Home » , » Pantoen Atjeh

Pantoen Atjeh

Written By Unknown on Friday, June 14, 2013 | 5:07 PM

Keu rakan droe yang na lam ranto
Tajak sidroe tawoe pih sidroe padumna rugoe bak nanggroe lua,
adak hana peng na keuh meuputroe bek taneuk jak woe ngon jaroe hampa,

bunda di gampong geu preh gata woe nak timang cuco aneuk bak gata,
bek treb2 tadeng gata lam ranto beubagah tawoe bek susah bunda,

uroe ngon mlm meulumpoe2 sang2 tapuwoe cahaya mata,
ayoen geukubah ngon peu eh cuco,serta ngon taloe kana bak bara,
ken lon peukarat gata beutawoe,bek teulah dudoe wahee syedara.

Bendera Atjeh
Bendera atjeh warna djih mirah.
Nanggroe njang meugah ban sigom donja.
Geupeutheun Nanggroe ka deungon darah.
Sidupnan susah bak bela Bangsa.

Geupeuduek gareh sikrek njang hitam.
Geu ulang lambang seudjarah Bangsa.
Beugot tasidek deungon ta peupham.
Njan warna hitam ingat sjuhada.

Prang Portugeh Beulanda Djeupang.
Leubeh lom keudjam Indonesia jawa.
Ingat pahlawan dalam mideun prang.
Geugareh hitam bek tuwo Bangsa.

Timang bak teungoh buleun ngon bintang.
Njan keuh njan lambang islam gata.
Lambang islam buleun ngon bintang.
Meuleumpah that trang Nanggroe mulia.

Geugareh puteh njan geuboh lambang.
Beu sutji rakan bak bela Bangsa.
Beuputeh hate dalam mideun prang.
Dudoe pahlawan Allah bri phahla.

Bahasa Ureng Tuha Atjeh
Mulia wareeh ranub lampuan
Mulia rakan mameeh suara

Jak ubee loet tapak
Duk bee loet punggoeng

Jak beulaku linggang
Tapinggang beulaku ija

Peugah ubee buet
Puebuet ubee na

Jak beutrok kaloen beudeuh
Bek rugoe meuh saket hate

Terimakasih kepada saudara-saudari kami yang baik hati atas sudinya berkunjung ke halaman Atjehlamsejarah,semoga artikelini menjadi mamfaat untuk semua. Untuk saudara yang ingin menyumbangkan sesuatu demi kemajuan dunia Atjehlamsejarah kita ini, seperti opini,pantoen, sajak,sastra dll. langsung saja keu e-mail rijaldk@gmail.com, tulisan saudara segara di publikasikan. Thanks
Share this article :

0 comments:

Post a Comment

Budayakan commentar dengan kata bahasa yang sopan. Terimakasih!

 
Support : Google | BigNewsTimes
Copyright © 2013. FarijalNews - All Rights Reserved
Website Created by BigNewsTimes
Proudly powered by Blogger